أعراض التبويض الممتاز (٧ علامات للتبويض)

١- إنتظام الدوره ( من أهم مؤشرات إنتظام التبويض – لو الدوره جت في معادها يبقى التبويض حصل في معاده/ لو الدوره اتأخرت يبقى التبويض أتأخر).

٢- دلالات منتصف الشهر ( أحياناً في نص الشهر تحسي أن في إفرازات شفافة نازلة كتير / أو يحصل وجع أو نغز في اليمين أو اليسار وأوقات قليلة جداً ممكن ينزل نقط دم ) الأعراض دي غير مريحة إلا أن هي مؤشر جيد أن بيحصل تبويض.

٣- وجع الدوره ( صحيح أن ألم الدوره مؤلم لسيدات كتير .. لاكن وجود الوجع مؤشر جيد لوجود تبويض في الدوره إلي فاتت).

٤- درجة حرارتك ( درجة حرارتك ممكن ترتفع بنصف درجة ودا بسبب هرمون البروجسترون لما بيحصل تبويض / لو محصلش تبويض مَش هيطلع البروجسترون ومش هتزيد حرارتك).

٥- أعراض ما قبل الدورة ( قبل الدورة ما بتيجي بكام يوم بتحسي أنك مخنوقة و منفوخة وصدرك بيوجعك ومصدعة ) أطمني دي أعراض كويسة أن غالباً حدث تبويض كويس.

٦- هرمون البروجسترون نفسه نقدر نقيس نسبة هرمون البروجسترون في الدم وبيتقاس في اليوم ال ٢١ من أول يوم في الدورة … لو طلع نسبته أكتر من ١٠ أعرفة أنه حصل تبويض كويس.

٧- السونار (لو أنت حابة تطمني ممكن تروحي عند طبيبك بس يكون متخصص يعملك سونار و يطمنك أن تبويضك كويس).