أعراض الحمل

تلخيص الموضوع

اعراض وعلامات الحمل :

man kissing woman's forehead white holding ultrasound photo

١- غياب الدورة الشهرية عن موعدها :

فى حالة اذا كانت الدورة الشهرية عندك منتظمة , وكنتى فى سن الانجاب وتغيبت الدورة الشهرية اسبوع او اكتر عن موعدها الطبيعى , فبنسبة كبيرة بتكونى حامل , لكن احيانا بتكون علامة مضللة وتكون غياب الدورة الشهرية لاسباب اخرى زى : فقدان الوزن، واضطراب الهرمونات، والإجهاد والتوتر النفسي.

٢-  دم وافرازات الحمل:

من اعراض الحمل اللى بتحصل عند بعض النساء وجود بقع من الدم، وبتظن بعض النساء أنه دم دورة ولكن بيكون دم حمل ،و يفرز الدم عند انغراس البويضة في الرحم بعد 10-14 يوم من الجماع والتلقيح ، ويختلف دم الدورة عن دم الحمل .

٣- الإحساس بالورم فى الثديين مع الألم :

بيحصل لخبطة فى الهرمونات فى فترة الحمل ودى بتسبب تغيرات فى الثديين فبتحسي بانتفاخ فى الثديين وزيادة حساسيتهم والشعور بالم , لكن مع الوقت بتستقر الهرمونات ويتأقلم الجسم وبيروح الاحساس بالام والتورم .

٤- زيادة التبول:

وده عرض شائع بتحس فيه الست بكثرة التبول لان بتزداد كمية الدم في الجسم خلال فترة الحمل ؛ وده بيؤدي إِلى أن تطرح الكليتان السوائل الزائدة التي ينتهي بها المطاف في المثانة.

٥- التغيير فى درجة حرارة الجسم :

يزيد حجم الدم في الجسم بنسبة حوالي 50% وتبدأ الزيادة من الشهر الثاني من الحمل وده بيسبب شعور الحامل بالسخونة وارتفاع الحرارة حتى لو كان الجو بارد ، وبيحصل غالبا انخفاض بسيط أو حاد في ضغط الدم .

٦- الاحساس بالقئ والغثيان :

بسبب التغيرات الهرمونية فى الحمل , بتعاني أغلب الستات في الفترة الأولى من الحمل من غثيان الحمل وهو من أهم علامات الحمل المبكرة، و بيحصل غالبا من الأسبوع السادس من الحمل، وعند بعض الحوامل بيحصل من الأسبوع الرابع.

٧- التعب والإرهاق :

من اعراض الحمل المبكرة هي التعب والإحساس بالنوم بعد ما بتعمل اى مجهود بسيط ، وبيبدأ التعب في الأسبوع الرابع والخامس من ميعاد آخر دورة.

٨- زيادة الشهية :

فى بداية الحمل بتحسي بالرغبة في تناول الطعام و بتكون بسبب التغيرات في مستوى الهرمونات بعد الحمل، فى بعض الستات بتفضل نوع معين من الطعام ، وترفض أنواع تانية .

٩- تقلبات المزاج :

من الأسبوع السادس تبدأ الحامل بالشعور بمشاعر مختلطة من الاكتئاب ، والانفعال، والقلق، والفرح بسبب الاضطرابات الهرمونية وبعد فترة بترجع تستقر من تانى .

Shopping Basket

تسجيل الدخول

إنشاء حساب