مدونة دكتور نسا

ربط عنق الرحم

ربط🪢 عنق الرحم (Cerclage) – هل ينفعك 👍🏻أم يضرك👎🏻🤔؟
 
 
يعني ايه ربط 🪢عنق الرحم ؟
فكرة ربط🪢 عنق الرحم اننا نمنع❌ الطلق المبكر⬇️👶🏻 والولادة المبكرة (بنجيب الخيط🪢 بتاعنا وبنربط عنق الرحم وبندخل بالأبره بالخيط عشان نعدي بالخيط للناحيه التانيه ونربط ونقفل القناة بتاعة عنق الرحم بحيث عنق الرحم ميفتحش مع الولادة🤰🏻 ) والربط 🪢بيحصل عن طريق المهبل احنا مبفتحش البطن.
 
ايه إلي محتاجين نعرفه عن ربط🪢 عنق الرحم؟
– الربط🪢 بيقلل ⬇️من فرصه الولادة المبكرة⬇️👶🏻 مش بيمنع ❌الولادة المبكرة(في مفهوم كده منتشر بين الناس ان الست إلي عاملة ربط🪢 لا يمكن يحصل ولادة طبيعي بس الكلام مش صحيح هو فقط بيقلل من فرص الولادة الطبيعه ).

– الربط 🪢ممكن يتعمل في الشهر الثالث🗓 والخامس 🗓( مش الشهر ال ٣ بس) طبيبك 👨🏻‍⚕️بيبص على عنق الرحم مرتين في الشهر الثالث والخامس لو شايف ان عنق الرحم محتاج يتربط 🪢يربطه … في ستات بيبقى عنق الرحم تمام في الشهر الثالث بس لما البيبي👶🏻 بيبداء يكبر والبيبي بيثقل ونلاقي عنق الرحم عندها ضعف او قصر ساعتها بتحتاج الحالة دي ربط🪢 في الشهر 🗓الخامس.

– الربط🪢 غير مستحب❌ للتوأم👶🏻👶🏻 ( لان الربط 🪢للتوأم هو نفسه إلي ممكن يجيب ولاده مبكره مش يمنع الولاده المبكرة).

– الربط🪢 غير لازم إذا كان الحمل🤰🏻 عن طريق الحقن المجهري( الحمل المجهري والحمل الطبيعي مفيش فرق بينهم لو في حاجه للربط 🪢بنربط ولو مفيش حاجه للربط🪢 مبنربطش).
 
ايه بقى الحالات إلي لازم نربط🪢 فيها🤔؟
– إذا كان عنق الرحم قصير ( يتم قياس 📏عنق الرحم عن طريق السونار ويفضل السونار المهبلي / بنقيس 📏عنق الرحم بيبقى ليه مقياس 📏محدد على أساس القياس📏 دا بنحدد عنق الرحم عندك قصير فأنت عرضه الولادة👶🏻⬇️ المبكرة يبقى نعمل ربط🪢).

– إذا كان هناك ولادة مبكرة👶🏻⬇️ سابقة بسبب عنق رحم ضعيف لما بتيجي تحمل🤰🏻 تاني بنربطلها 🪢ومن بدري في الشهر الثالث🗓.

– إذًا كان هناك ولاده مبكرة👶🏻⬇️ متكررة ٣ مرات أو أكثر حتى لو عنق الرحم غير ❌ضعيف.
 
ليه مبنربطش🪢❌ عنق الرحم أحتياطي؟
لان ربط 🪢عنق الرحم زي ما ليه فوائد فأيضاً ليه أضرار .
– الربط بدون ❌سبب علمي🔬 قد يؤدي إلى ولادة مبكرة👶🏻⬇️.
– لقدر الله ممكن يجيب عدوى للست🤰🏻 والعدوى تفتح كيس الميا💦 إلى حوالين البيبي👶🏻(فالربط بدون سبب قد يسبب ثقب في كيس الماء💦).

فمفيش حاجه أسمها أنا هربطلك🪢 أحتياطي (أربط🪢 لما يكون العلم 🔬والكتب 📚والأبحاث 🔎بتقول أن الربط🪢 هيفيدك 👍🏻وألا هكون أنا إلي بضرك👎🏻).
 
أمتى🗓 بنفك الربط🪢🤔؟
مع الولاده 🤰🏻( لو أنت هتولدي قيصري يوم الولاده القيصرية الدكتوره 👨🏻‍⚕️بتفكلك الربطه 🪢بتاعة عنق الرحم)

لو أنت هتولدي 🤰🏻طبيعي اول ما يجيلك الطلق تروحي على المستشفى🏥 ويفكولك الربط ❌🪢أو في دكاتره 👨🏻‍⚕️بالنسبالة أول ما تدخلي التاسع🗓 فخلاص كده هو متطمن عليكي مفيش ولادة مبكرة👶🏻⬇️ فأول ما تدخلي التاسع🗓 يفكلك الربط🪢❌ .

رزقكم الله بالذرية الصالحة❤️
Share on facebook
Share on telegram
Share on reddit
Share on whatsapp
Share on twitter
Share on pinterest
Share on print

للحجز لعيادة الدكتور
أحمدعبد الفتاح

عيادة النساء والتوليد وتأخر الإنجاب

أحدث التعليقات

    Add a Comment

    Your email address will not be published. Required fields are marked *

    معلوماتي

    د/ أحمد عبد الفتاح

    طبيب نساء توليد.

    متخصص في الحمل والولادة وتأخر الإنجاب.

    المقالات الجديدة

    تابعونا علي الفيسبوك

    Shopping Basket
    WordPress Ads