مدونة دكتور نسا

البنج الكلي ام البنج النصفي

أيهما أفضل 👍🏻ليكي ؟ بنج 💉كلي أم بنج💉 نصفي ؟

انت حامل 🤰🏻وعلى وش ولاده👶🏻 خلاص والدكتور👨🏻‍⚕️ قرر أنك هتولدي قيصري … وجينا للقعده🪑 المشهوره بتاعه يا دكتور👨🏻‍⚕️ انا مَش عايزه اخد بنج💉 نصفي أنا عايزه أخد بنج💉 كلي… أصل البنج💉 النصفي كله مشاكل …. البوست دا هيعرفك قد أيه البنج 💉النصفي👍🏻 أحسن مليون مره من البنج 💉الكلي👎🏻 .

البنج💉 النصفي ( الناس تقولك أصله بيدي حقنه💉 في الضهر وخطر🚨 ) هنعرف مع بعض الكلام دا صح ✅ولا غلط❎.

البنج 💉النصفي أحسن للأم 🤰🏻وللبيبي👶🏻:
– لازم تكوني عارفه ان البنج💉 النصفي مبيأثرش على أجهزه الجسم تنفسك🫁 بيبقى كويس وضغطك كويس والقلب🫀 بيبقى كويس … دا معناه ان لما بتاخدي البنج💉 النصفي نفسك 🫁بيبقى كويس بالذات للناس إلي عندهم مشاكل في الرئه🫁 والقلب 🫀و حساسيه الصدر🫁 / البنج 💉الكلي ممكن يدخلهم في نوبة أزمه😤😖… البنج 💉النصفي بيخلي الرحم بتاعك بعد الولاده 👶🏻يعرف ينقبض كويس لأن الأدويه💊 إلي بنديها في البنج💉 الكلي بتخلي غصب عننا الرحم يريح .. نسبه حدوث النزيف🩸 ما بعد الولاده 👶🏻مع الكلي أكثر ⬆️من النصفي .

– الجميل بقى أن البنج 💉النصفي مبيوصلش للبيبي👶🏻 (يعني البيبي👶🏻 دا مبياخدش اي نوع من أنواع البنج 💉عكس البنج💉 الكلي … دائماً تلاقي الدكتور 👨🏻‍⚕️وهو بيولد لو الست🤰🏻 واخده بنج 💉كلي متسربع 🏃🏻‍♀️وعايز يطّلع البيبي👶🏻 في أسرع 🏃🏻‍♀️وقت⏳ .. ليه؟ .. عشان كل ما البيبي 👶🏻فضل في البطن🤰🏻 أكتر كل ما هياخد جرعه أكبر من البنج💉 … لاكن البنج💉 النصفي أحنا مبسوطين😁 .. الدكتور👨🏻‍⚕️ بيشتغل على مهله البيبي👶🏻 يطّلع على مهله / البيبي👶🏻 بيطلع بيعيط 😭كويس جداً ونفسه 🫁كويس جداً وقليل ⬇️جداً حدوث أي مشاكل للجنين👶🏻. فبكده البنج💉 النصفي أحسن كتير للبيبي👶🏻 .

– فوائد✅ البنج💉 النصفي : بيفضل شغال معاكي كده حوالي من ساعتين ل ٣ ساعات فهتخرجي من الولاده🤰🏻 مَش حاسه بألم 😫/ لاكن البنج 💉الكلي أول ما تفوقي بتبدأي تتألمي😫😭 وتصرخي من بطنك ومن الجرح لأنك حاسه ب ١٠٠٪؜ من الألم أول ما تفوقي بعكس البنج💉 النصفي بتخرجي من العمليات رايقه وفايقه ومبسوطه😁 .. في ميزه كمان ( عشان أنت فايقه هتسمعي أحلى صوت هتسمعيه في حياتك .. طفلك👶🏻 أول ما يتولد .. صاحيه لأهلك👨‍👩‍👦‍👦 وهم بيزغرطوا … صاحيه وبتردي على المباركات ).

نرد على المخاطر 🚨الوهميه بتاعه البنج💉 النصفي؟

– أصل البنج💉 النصفي بيجيب شلل🦽👨‍🦽! ( أنا عمري ما شفت حاله جلها شلل 👨‍🦽ولا أعرف حالات تعرف حالات جالها شلل👨‍🦽).

– أصل البنج💉 النصفي بيوجع 😫الضهر ( أنت لو شفتي الإبره💉 بتاعه البنج 💉النصفي هي أرفع من الكانيولا إلي بتتركب في الأيد✋🏻 ) لو انت خايفه من شكه الإبره في الضهر أحب أقولك أننا بندي بنج💉 موضعي في الضهر قبل ما نديكي البنج💉 النصفي عشان متحسيش بإبره 💉البنج النصفي .

– أصله بيعمل مشاكل بعد كده ( مبيعملش أي مشاكل).

الحاجه الوحيده إلي ممكن نقول انها ممكن تحصل ل ١ من كل ٢٠ حاله … انه ممكن يجيب صداع🤯🤕 … عشان كده أحنا بعد البنج النصفي بنخلي الأم بعد الولاده نايمه🛌 مستقيمه تماماً منرفعش راسها خالص ..وبنستخدم للبنج أبره رفيعه خالص بحيث أنها متسببش صداع🤕 وحتى لو حصل صداع🤕 بيستمر يوم أو يومين📆 وكبايه قهوه☕️ تخليه يروح

أرجوكم البنج💉 النصفي ائمن🔐 مليون مره من البنج 💉الكلي … البنج💉 الكلي مليان مشاكل أرجوكم 🙏🏻
رزقكم الله بالذريه الصالحة❤️

للحجز لعيادة الدكتور
أحمدعبد الفتاح

عيادة النساء والتوليد وتأخر الإنجاب

أحدث التعليقات

    Add a Comment

    Your email address will not be published. Required fields are marked *

    معلوماتي

    د/ أحمد عبد الفتاح

    طبيب نساء توليد.

    متخصص في الحمل والولادة وتأخر الإنجاب.

    المقالات الجديدة

    تابعونا علي الفيسبوك

    Shopping Basket